若大家有睇過我幾篇關於日本的分析，你會覺得，我字裏行間流露對日本人既不屑，這可不是我無的放矢，而是實實在在既經驗之談。我曾用心搞過日本時裝買賣幾年，因為想爭取一d日牌在港既獨家販售權，跟一些日本人交過手，我認為本土日本人有種極不稱「身」的高傲，很難磨合，而且他們心思極歪。
我更不服氣的是，也許我們香港人過於哈日，會有意無意抬高日本人，而自貶身價。
日本男人真係好好色；有個品牌既老闆嚟到香港，我地跟佢見面，佢滾水碌腳談唔耐就話有急事要走，我仲以為佢公務點繁忙，但佢既香港翻繹靜雞雞同我地講：「忙乜鬼呀，佢趕住過澳門嫖妓。」另一個牌子老闆跟我地見面，話希望飯後我地為佢安排「按摩服務」，我明白佢意思，我跟同事說：「我只知正經按摩喺邊到，唔理啦，照帶佢去！」佢去到顯得非常失望。
大佬！我又唔係做扯皮條，我唔嚟呢套！
我心諗，我跟佢地傾品牌代理，唔係求，大家係互利既合作，我幫你品牌喺香港港散貨，你都有著數，我點解要卑躬屈膝到咁！我試過喺日本用過幾個翻譯，有個係在日香港留學生，有個係香港翻譯請佢過去，佢地代我傳譯時，我都懂聽d，我忍唔住跟佢地講：「其實我地都係比生意佢地做，唔駛咁低聲下氣Bor！」後來喺日本當地請到個來自中國黑龍江的嬸嬸做翻譯，倒合我意，談價時懂為我方據理力爭，曉講數，反而最終傾掂！
當時另一個品牌較易傾掂，係因為嗰位品牌負責人既太太係中國人，唔知點解，佢太太跟我地一見如故，硬要佢丈夫將代理權比我地，呢位日本負責人都好高傲，但倒聽老婆話，乖乖同我們談妥。
另一個仲易傾成既，係因為負責人以前係讀國際學校，文化使然和懂英語，同佢相談完全唔覺同緊個本土日本人傾咁，爽快好多，少左好多無謂既日式彆扭。
多次洽商經驗告訴我，對於本土日本人，唔可以比佢地太多既尊重，佢地會得寸進尺，反而更加傾唔成；大家各盡位份相談，倒可以水到渠成。
我承認我有偏見，但我真覺嗰d土氣充足的日本人，非常犯賤，或者可能係我地過於妄自菲薄。
