紅豆：從田野到餐桌的營養之選，附筆者「陳皮紅豆沙」食譜及益處淺析 - Mark 哥醫師

紅豆（小豆/赤豆）係亞洲人餐桌上常見嘅食材，香港人用嚟煲糖水、做紅豆冰、紅豆餅等甜品。紅豆歷史悠久，香港市面上大部分紅豆其實大部份係進口自中國大陸，特別係華北、東北等地區出產。這地區所出產的紅豆供應穩定，粒大飽滿，價錢相宜。

紅豆含有豐富蛋白質、膳食纖維、鐵質、維生素B群等營養，有助補血、促進血液循環。香港人最愛用紅豆煲糖水、做缽仔糕、紅豆冰等地道甜品，紅豆配搭椰汁、牛奶或冰淇淋，味道層次豐富。

揀紅豆時，記得揀色澤深、粒粒完整、無蟲蛀嘅，煮出嚟特別香甜。雖然紅豆唔係本地種植的農作品，但中國大陸紅豆一樣有質素保證，令香港人可以全年隨時享受紅豆滋味。

要說香港最經典嘅紅豆甜品一定係「陳皮紅豆沙」，簡單又滋味，街坊糖水舖同家中都好受歡迎！筆者的做法如下：

材料：

• 紅豆 200克

• 水 2公升

• 片糖或冰糖 3片

• 陳皮 1塊（浸軟去囊）

做法：

1. 紅豆洗淨，浸水一晚。

2. 將紅豆同陳皮放入大鍋，加水，煲滾後轉中小火煮2小時，期間可加水。

3. 紅豆煮腍後加入片糖，繼續煲至糖溶。

4. 喜歡沙沙口感可用篩壓爛部分紅豆。

5. 熄火焗10分鐘即成。

呢個陳皮紅豆沙香甜又帶果皮清香，熱食或雪凍食都一樣正！

從中醫角度，陳皮紅豆沙有多種益處：

1. 陳皮：理氣健脾、燥濕化痰、促進消化，紓緩胃脹、消化不良、咳嗽痰多等問題，亦有助提升食慾。

2. 紅豆：健脾養胃、利水消腫、補血養心，特別適合水腫、氣血不足、體力差人士。

合併食用：陳皮紅豆沙可健脾祛濕、補氣血、利尿消腫，對女生、體虛、水腫、脾胃虛弱人士尤其有益。

簡單講，陳皮紅豆沙有助消化、去濕、補血、提升體力，仲可以舒緩腸胃不適。😋