美科技股，真係走得快好世界，這板塊不行了！不斷在跌，原因當然是市場認為AI基礎設施發展速度過急，而相關AI服務需求又追不上，以致AI算力和晶片過剩，間間科企未來隨時要割價求售服務或丟空產能，萬一資金鏈一斷，個別股價仲真係可以跌足99.9%，好恐怖！
其實，當下由人工智能基建到有顯著實際應用的過程中，中間仲有一個階段，就係極需要懂用AI的專業人才，當然唔係你識用Poe或放條chatGPT API喺應用到就叫識用AI 啦，根本係另一個「專業」，比編程仲深一層，你要結合更廣泛知識，唔容易㗎！
如果呢種人才唔多出嚟，AI服務只係停留喺貪得意「玩」下既階段，而呢d人才，起碼要2-3年先有一定的數量出現，先會對AI服務有足夠的需求。
點解我咁睇好匯豐，就係因為艾橋智睇得清楚呢個趨勢，睇通而家成個產業鏈有個「窿」接駁唔埋，就係欠缺識用AI的人才，所以同員工三申五令，未來幾年唔識用AI就可以執包袱走啦，可能有D匯豐員工咁諗：「我識用Poe，無事！無事！」（其實真係好多人都咁諗架！😂😂😂😂😂）咁呢班人一兩年後就知乜野叫懂用AI了。
我咁老，都特登用成四萬蚊買部有Nvidia RTX 5080顯示卡兼intel ultra 9 嚟學transformers啦！將來睇下艾橋智肯唔肯請我。
直至這一刻，我就只聽到匯豐的艾橋智，能夠點出當下人工智能發展的死穴，且加以對症下藥的方法來治療，又怎教我如何不欣賞他，不欣賞匯豐！
